 |
| Shirk Ki Tareef |
Aqeeda-E-Touheed - Aqeeda-E-Ahle Sunnat
Allah Ta'ala Aik Hai, Uska Koi Shariq Nahi, Na Zaat Me, Na Siffaat Me, Na Af'aal Me, Na Ahkaam Me,Na Asmaan Me, Wo Wajibul Wujood He (Uska Wajud Zaruri He) Hamesha Se Hy, Or Hamesha Rahe Ga.[Bahaar E Shariat: V1, Page 1]
Madadgaar Sirf Allah Ta'ala Hai, Al Qur'aan:
"Yeh Is Liye Ke Musalmaanon Ka Madadgaar Allah Hai".(Surah E Muhammad, Aayat 11, Parah 26)Aik Aur Jaga Khuda Farmata Hai:
Jibrael Aur Auliya E Karam Bhi Madadgaar Hain."Beshak Allah Un Ka Madadgaar Hai, Aur Jibrael, Aur Naik Momineen Madadgaar Hain".(P- 28, S- Tehreem: A- 4)
Pehli Aayat Par Gaur Karain Toh Yeh Sawaal Peida Hoga, Ke Madad Karna Allah Ta'ala Ki Siffat Hai, Phir Dusri Aayat Main Hazrat Jibrael(Aleh Salaam) Aur Auliya-E-Karam Ko Madadgaar Farmaya, To Kiya Yeh Shirk Huwa?
Is Main Tatbee Yun Qaem Hogi, K Allah Haqeeqi Madadgaar Hai, Aur
Jibrael , Aur Aliya-E-Karam, Allah Ta'ala Ki Ata Se Madadgaar Hain, Jo Zaat-E-Baari Ta'ala Ata Farma Rahi Hai, Us Main Aur Jis Ko Ata Kiya Ja Raha Hai, Un Hazraat Main Barabri Ka
Tassawwur Bhi Nahin Kiya Jasakta, Aur Jab Barabri Nahin To Shirk Kahaan Se Hoga?
Allah Ta'ala Jise Chahe Aulaad
Day:
"Allah Jise Chahay Betiyan Ata Farmae, Aur Jise Chahay Betay De".(P- 25, S- Shooraa, A- 49)
Hazrat Jibrael Kaha Main Tujhe Beta Dun.
(Hazrat Jibrael Ne Bibi Maryam Say Kaha) Kaha Main
Tere Rab Ka Bheja Huwa Hun, Taa K Main Tujhe Ek Suthra Beta Dun"(P- 16, S- Mariyum, A- 19)
Pehli Aayat Main Hai, Ki Aulaad Sirf Allah Ta'ala Ata Farmata Hai, Magar Is K Bar'aqs Hazrat Jibrael
(Alehi Salaam), Hazrat Mariyum Se Farmate Hain, K Main Tujhe Ek Suthra Beta Dun, To Kiya Yeh Shirk Hogaya???
Is Main Tatbee Yun Qaem Hogi, K Allah Ta'ala Khud Aulaad Ata Farmata Hai, Aur Jibrael (Aleh Salaam), Allah Ta'ala Ki Ata Se
Bibi Mariyum Ko Beta De Rahe Hain, Lihaza In Aayat Main Barabri Ka Koi Pehlu Nahin, Q K Zaati Aur Ataai Barabar Nahin Ho Sakte, Jab Barabri Nahin Payi Gai, To Shirk Bhi Na Huwa.
Bagair Allah Ta'ala Ki Ijazat
Ke Koun Hai Jo Shafa'at Kare
"Kaun Hai Jo Shafa'at Kare Bager Izn-E-Khudawandi Kay".(P- 3, S- Bakarah, Aaytalkursi)
* Hazrat Eesa Ka Allah Ta'ala K Hukum Se ShifaDena "Aur Main Accha Karta Hun Andhe Aur Korhi Ko, Aur Murday Zinda Karta Hun, Allah Ke Hukum Se".(P- 3, S- Ale Imran, A- 49)
Pehli Aayat Se Maloom Huwa K Bager Allah Ta'ala Ki Ata Ke Kisi K
Liye Shafa'at Ka Aqeedah Rakhna Shirk Hai Magar Allah Ta'ala Ki Ata Say Shafa'at Ka Aqeeda Rakhna "Tauheed" Hai, Isi Tarah Dusri Aayat
Se Maloom Huwa, K Murdon Ko Chalana, Shifa Dena, Yeh Allah Ta'ala Ki Siffaat Hain, Magar Allah
Ta'ala Kisi Ko Ata Karden, To Allah K Khazane Main Koi Kami Nahin, Lihaza Ahle Allah K Muta'alliq Yeh Aqeedah Rakhna K Woh Allah Ta'ala Ki Ata Se Murdon Ko Chala Sakte Hain, Yeh Shirk Nahin Hai, Q Ke Zaati Aur Ataai Kaam Baraabar Nahin Ho Sakte, Aur Jab Baraabari Nahin To Shirk Bhi Na Huwa.
Aur Alhamdulillah, Ahl E Sunnat
(Sunniyon) Ka Bhi Yahi Aqeedah Hai.
* Allah Ta'ala Mout Deta Hai. *"Allah Jaanon Ko Mout Deta Hai".( P- 24, S- Zamr, A- 42)
Q: Mout Kaun Dayta Hai?
A: Mout Ka Farishta (Hazrat Izra'eel).
Daleel:
"Tum Farmao, Tumhen Wafaat Deta Hai Mout Ka Farishta, Jo TumPar Muqarrar Hai".(P- 21, S- Sajda, A- 11)
Pehli Aayat Main Hai Ki, Allah Ta'ala, Mout Deta Hai, Magar Is K Bar'aqs, Dusri Aayat Main Hai K,
Tumhen Mout Ka Farishta Mout Deta Hai, To Kiya Yeh Shirk Hogaya????
Is Main Tatbee Yun Qaem Hogi K Allah Ta'ala, Mout Dene Main Kisi Ka Mohtaaj Nahin, Magar Malakul Mout (Farishtay) Rooh Qabz Karne Main Allah K Hukum K Mohtaaj
Hain, Lihaza Is Main Bhi Barabari Nahin Paai Gai, To Jab Barabari Nahin, Is Liye Shirk B Na Huwa.
Nabi-E-Pak Nay Saaf Saaf Alfaz
Main Farma Diya:
''Mujhe Iss Baat Ka Dar Nahi K Meray Baad Tum 'Shirk' Karo Gai Per Iss Baat Ka Dar Hai KiTum Appas Main Bughaz Rakho Ge''.[Bukhari: Jild- 2, Pg- 975 H- 6102]
Aik Aur Riwayat Ke Mutabiq:
Huzoor Sallaho Alehe Wasallam Ek Roz Shohda-E-Uhad Per Namaz Parhne Ke Lye Tashrif Ley Gae, Jaise Maiyat Per Namaz Parhi Jati Hai Phir Mimber Pe Jalwa Afroz Hoye Or
Farmaya,
“Main Tumhara Rehnuma Aur Gawah Hun, Be Shak Khuda Ki Qasam Main Apne Hauz-E-Kausr Ko Ab Bhi Dekh Raha Hun Aur Mujhe Zamin K Khazano Ki Kunjiyan Dey Di Gain Hain Aur Beshk Main Is Bat Sey Be Khauf Hun Key Tum Log Mere Bad Shirk Karne Lago Gey,Balke Dunya Ki Mohbat Main Na Pahns Jao”.[Sahi Bukhari: Hadith- 1257]
Musalman Par Shirk Ke Fatwe Lagane Wala Kaisa?
Hadees Shareef Ke Mutabiq Musalmanon Par Shirk Biddat Aur Haram Ke Fatway Laganay Walay Khud Mushrik Hain.[Narrated By Ibn Hibban In His Sahih, Tahqiq Nasir Albani, Vol- 1, Pg- 200, H- 81]ALLAH Hamain Har Gunah Say Mahfooz Rakhay Aur Hamara Khaatma Imaan Pay Ho...
